KIDAPAWAN CITY- Gipasalamatan ang mga magtutudlo sa tulonghaan sa ilang dedikasyon sa paggiya sa mga estudyante sa pagpalambo sa kalidad ug edukasyon atol sa pagsaulog sa ika 42nd founding Anniversary sa Kabacan National High School.
Nagpasalamat sab ang lokal nga panggamhanan sa Kabacan Cotabato sa tanang personahi sa nasangpit nga tunghaan, hilabina nga ang pagtudlo usa ka propisyon nga nagpamatuod sa paggiya sa bag-ong henerasyon.
Matud pa nga dili lang mga residente sa Kabacan ang nagtungha kondili lakip na ang ubang mga kasikbit nga lungsod ang nagpadala sa ilang mga anak sa maong eskwelahan sa kabacan.
Gipasalig usab sa labawng opisyal ang hugot nga suporta sa lokal nga panggamhanan sa mga programa ug aktibidad sa tunghaan.
Samtang, subay sa ilang anibersaryo, gisaulog usab sa naasoy nga eskwelahan ang Culmination sa Nutrition Month.
Kahibaloang ang nutrisyon maoy kaabag sa edukasyon, hilabina na sa mga bata nga kinahanglang tudloan sa masustansya nga mga pagkaon.
Photo Courtesy: Kabacan NHS Supreme Secondary Learner Government SSLG
