KIDAPAWAN CITY- Padayon ang paningkamot sa probinsyal nga panggamhanan, ubos sa liderato sa probinsyal ehekutibo, nga molambo ang serbisyo medikal sa probinsya ug aktibo ang Integrated Provincial Health Office sa pagpakaylap sa saktong impormasyon kabahin sa panglawas.
Usa sa gipasiugdahan sa IPHO mao ang Integrated Health Awareness (IHA), usa ka kalihokan nga gihimo didto sa Arakan Super Health Center.
Kabahin niini ang usa ka awarding ceremony alang sa Adolescent Friendly Health Facility, nga gitambungan sa mga kapitan sa barangay, SK officials, ug mga health workers.
Tumong sa maong kalihokan nga pakusgon ang kahibalo sa publiko mahitungod sa STI, HIV/AIDS, ug teenage pregnancy.
Gipasidunggan usab ang 28 ka barangay ug gihatagan og sertipiko isip Adolescent Friendly Health Facility human nila mapasar ang Level 1 nga pamantayan.
Courtesy: Provincial Government of Cotabato
