Gipaabot nga ipatuman sunod semana ang P1 matag litro nga usbaw sa mga produktong petrolyo. Gianunsyo sa Department of Energy (DOE) Agosto 1, 2025 base sa 4-day trading data gikan sa global market, posibleng P1.50 matag litro nga usbaw sa presyo sa gasolina.
Ang diesel, sa laing bahin, gipaabot nga mosaka og P1 matag litro samtang ang kerosene og P0.80 matag litro.
Ang gipaabot nga pagsaka sa presyo sa mga produktong petrolyo sa sunod semana ipatuman na lang sa mga lugar nga dili ubos sa state of calamity nunot sa paghapak sa mga niaging bagyo ug habagat sa nasod sa miaging mga semana.
Sa laing bahin, ang mga lugar nga gideklarar nga state of calamity padayon nga adunay price freeze sa presyo sa lana.
Ang katapusang presyo sa mga produktong petrolyo ipahibalo karong Lunes, Agosto 4 ug ipatuman karong Martes, Agosto 5.
Source: Everly Rico
photo credits: photonews.com.pk
