𝐌𝐀𝐆-𝐀𝐌𝐀𝐇𝐀𝐍 𝐆𝐈𝐏𝐔𝐒𝐈𝐋 𝗔𝗡𝗚𝗢𝗟

GENERAL SANTOS CITY- Landing sa balay tambalanan ang mag-amahan human gipusil sa usa ka lalaki diha sa kadalanan bahin sa Barangay Bliss, Polomolok South Cotabato niadtong nakalabayng gabii.

Giila ang mga biktima silang Alyas “Sam” 46-anyos mag-uuma ug anak nga si Alyas “Junior” hingkod ang panginadaron estudyante ug residente sa naasoy nga dapit.

Subay sa imbistigasyon nga gikan sa ilang kaumahan ang mag-amahan biktima dihang giatangan sila sa suspek sa usa ka dalan ug didto gipusil gamit ang usa ka pistola sa makadaghan higayon hinungdan nakaangkon ug samad pinusilan sa kalawasan ang mga biktima, nga daling gidala sa ospital pagkahuman sa insidente.

Misuway pa ug sibat ang suspek apan nadakpan kini sa Hot Pursuit Operation sa kapulisan ug nasayran nga Personal Grudge ang motibo sa pagpusil sa duha ka biktima.

Sa pagkakaron paslak na sa buhatan sa Polomolok MPS ang suspek ug gihikay na ang tukman kaso batok kaniya.