GENERAL SANTOS CITY -Nadiskubre sa gipahigayon pagpatrolya sa 105th Infantry (Saifullah) Battalion, nga gipangunahan ni LTC ERIKZEN C DACOCO INF (GSC) PA, ubos sa Operational Control sa 603rd Infantry (Persuader) Brigade ang mga High-Powered Firearms ug Improvised Explosive Device (Lacun) sa Brgy. T’boli, South Cotabato niadtong nakalabay nga adlaw.
Ang narekober nga mga butang naglakip sa usa ka M14 Rifle nga adunay SN 2603277, usa ka Homemade 40mm GL ug pito ka IED.
Sa pamahayag ni LTC DACOCO ang mga narekober nga War Materials gikan kini sa Communist Terrorist Groups (CTG) nga kanhi naglihok sa probinsiya sa South Cotabato.
Gidayeg usab ni BGEN MICHAEL A. SANTOS PA, Commander sa 603rd Infantry (Persuader) Brigade ang iyang mga personahe ug dako kining Operational Accomplishments.
Matud pa sa maong labaw ang pagbawi sa mga matang sa armas ang timailhan sa usa ka agresibong dedikasyon sa kasundaluhan aron nga magpabilin hapsay ug malinawon ang usa ka lugar gikan sa mga walhong grupo ug nagpakita sa padayon nga pagbantay sa siguridad sa tanan residente sa komunidad.
Ang mga nakuhang armas anaa na karon sa Headquarters sa 105IB alang sa tukmang disposasyon.
