𝗗𝗢𝗟𝗘, 𝗚𝗜𝗣𝗔𝗞𝗟𝗔𝗥𝗢 𝗔𝗡𝗚 𝗞𝗪𝗔𝗟𝗜𝗣𝗜𝗞𝗔𝗗𝗢 𝗦𝗔 𝗦𝗘𝗣𝗔𝗥𝗔𝗧𝗜𝗢𝗡 𝗣𝗔𝗬

KIDAPAWAN CITY-Giklaro sa Department of Labor and Employment XII ang mga kwalipikadong empleyado nga makadawat sa separation pay.

Sa pakighinabi sa Juander Radyo Kidapawan kay DOLE XII Information Officer Charles Battaga, nga ang makakuha lamang sa separation pay mao ang mga empleyadong gitanggal involuntarily o nagtanggal og trabahante ang usa ka employer tungod wala nay ika-sweldo o palugi na ang negosyo.

Apan ang mga empleyadong ni-resign, dili matod pa kini kwalipikadong makadawat sa separation pay.

Bisan pa og ni-deklarar og bankruptcy ang usa ka negosyo, obligado gihapon kini sa paghatag og separation pay nagdto sa mga empleyado.

Panawagan sa DOLE sa mga empleyado nga nakasinati og ingon aning problema, nga mobisita lamang sa ilang buhatan aron matabangan ug mahatag gayod ang mga benipisyo nga angay madawat sa usa ka empleyado.

Source: DOLE Region XII – Soccsksargen