TAGUM CITY- Nadakpan ang usa ka 54-anyos nga lalaki sa gipahigayon nga drug buy-bust operation sa Purok 7, Barangay Ising, Carmen, Davao del Norte, niadtong Hulyo 26, 2025 sa alas 9:26 sa gabii.
Gipasiugdahan ang operasyon sa mga sakop sa Carmen Municipal Police Station kauban ang 2nd Davao del Norte Provincial Mobile Force Company kon DNPMFC, Davao Norte Provincial Intelligence Unit kon DNPIU, ug RID 11, uban sa kooperasyon sa PDEA DNPPO.
Gipahigayon ang operasyon ubos sa PDEA XI nga misangpot sa pagdakop ni alyas “Alan” usa ka street level Individual, minyo, ug residente sa Purok 1-B, Barangay Sto. Niño, sa giingong lungsod ug probinsiya.
Gisikop ang suspek tungod sa kalapasan sa Republic Act 9165 o ang Comprehensive Dangerous Drugs Act of 2002 ug nakakustudiya na sa Carmen Municipal Police station Custodial Facility alang sa saktong disposasyon og dokumentasyon.
Source: Carmen Municipal Police station
