𝐊𝐀𝐏𝐈𝐍 𝐏𝟓𝟎𝐊 𝐍𝐆𝐀 𝐊𝐀𝐍𝐓𝐈𝐃𝐀𝐃 𝐒𝐀 𝐒𝐇𝐀𝐁𝐔 𝐍𝐀𝐒𝐀𝐊𝐌𝐈𝐓, 𝐒𝐔𝐒𝐏𝐄𝐊 𝐃𝐀𝐊𝐏𝐀𝐍

DIPOLOG CITY- Dakpan ang usa ka drug suspect ug nasakmit ang mokapin sa Php50,000.00 nga kantidad sa iligal nga drugang shabu pinaagi sa gipahigayon nga search warrant operation sa mga otoridad sa Purok Red Rose, Brgy. Miputak sa dakbayan, niadtong Hulyo 28, 2025.

Giila ang dinakpan nga si alyas “Botyok”, 46 anyos, minyo ug residente sa nasangpit nga dapit. Nasakmit gikan sa dinakpan ang duha ka gagmayng pakete sa shabu ug 4 ka dagkong pakete sa shabu lakip na ang usa ka sudlanan sa posporo nga gisudlan usab sa maong iligal nga druga.

Lakip sa nasakmit ang uban pang mga non-drug items. Mokabat sa 5 ka gramo ang nasakmit nga druga nga mokantidad ug Php54, 400.00.

Ang dinakpan anaa na sa kustudiya sa Dipolog City Police Station alang sa tukmang disposisyon samtang ang mga nasakmit nga mga druga ang giturn-over ngadto sa Zamboanga Del Norte Provincial Forensic Unit alang sa eksaminasyon.

Photo: Dipolog CPS