GENERAL SANTOS CITY- Gipasalamatan sa usa ka babayeng OFW nga gikan sa T’boli ang ilahang LGU sa pagpanguna sa ilang Mayor gumikan sa dakong tabang nga ikahatag kaniya tungod sa gikaingon nga gimaltrato kini sa iyang kauban nga DH sa nasud Saudi Arabia.
Sa impormasyon matud pang sulod sa upat ka bulan nga panarbaho sa maong nasud walay sipyat nga kini makasab-an ug maltratuhon kini ug sakit rason nga nagparescue kini sa iyang agency ug pinaagi sa tabang sa LGU-T’boli nahimong paspas ang pagresponde niini ug niadtong nakalabayng adlaw ning kasamtangan nga bulan nakauli na kini sa ilang panimalay sa T’boli South Cotabato.
Personal usab kini nahidangat sa opisina sa ilang Mayor ug nagpasalamat tungod sa dakong tabang nga nahimo ug gisaysay niini ang iyang nasinatian sa kamot sa iyang kauban nga Domestic Helper.
Sa karon gialalayan usab siya sa iyang mga pinansyal nga panginahanglanon gikan sa maong LGU.
