MATI CITY-Balhog sa prisohan ang usa ka lalaki kinsa giklasipikar nga High-Value Individual, kini atol sa gikasang buy-bust operation nga gihimo sa mga otoridad, pasado ala 1:30 ang takna sa kadlawon niadtong Hulyo 20, 2025 didto sa Baybay, Barangay Lucod, Baganga, Davao Oriental.
Ang operasyon gipangunahan sa mga personahe sa Baganga Municipal Police Station-Drug Enforcement Unit, kauban ang mga operatiba sa 1st Davao Oriental Provincial Mobile Force Company ug sa koordinasyon sa PDEA-DOPPO.
Narekober gikan sa dinakpan ang ubay ubay nga pakete sa gidudahang shabu nga gibana banaang mutimbang sa 1 gramos ug mubalor sa Php 6,800.00. Lakip sa nasakmit ang usa ka Magnum .357 S&W revolver nga adunay serial number 214357 ug uban pang mga ebidensiya.
Ang mga nakumpiskang mga ebidensya anaa na sa kustodiya sa Baganga Municipal Police Station alang sa pormal nga dokumentasyon ug disposisyon. Samtang ang suspek mag atubang ug kasong paglapas sa Republic Act 9165 kun Comprehensive Dangerous Drugs Act of 2002 ug Republic Act 10591 kun Comprehensive Firearms and Ammunition Regulation Act.
ctto: BAGANGA MPS
