𝗧𝗢𝗣 𝟱 𝗠𝗢𝗦𝗧 𝗪𝗔𝗡𝗧𝗘𝗗 𝗣𝗘𝗥𝗦𝗢𝗡 𝗦𝗔 𝗗𝗔𝗩𝗔𝗢 𝗢𝗥𝗜𝗘𝗡𝗧𝗔𝗟 𝗦𝗔 𝗞𝗔𝗦𝗢𝗡𝗚 𝗣𝗔𝗚𝗣𝗔𝗧𝗔𝗬 𝗡𝗔𝗦𝗜𝗞𝗢𝗣

MATI CITY- Nasikop sa mga otoridad ang Top 5 Most Wanted Person sa tibuok probinsya sa Davao Oriental atol sa gilusad nga operasyon sa kapulisan didto sa Purok Bucadan, Barangay Cabagayan, Tarragona, alas 10:58 sa buntag niadtong nakalabay nga adlaw.

Ang operasyon gihimo pinaagi sa kooperasyon sa Tarragona Municipal Police Station kauban ang Provincial Special Operations, Provincial Intelligence Unit. Ang suspek giila nga si Felix Lumando Mabangkit, 54 anyos, usa ka trabahante ug residente sa Sitio Dita, Barangay Cabagayan.

Si Mabangkit gi-isyuhan og Warrant of Arrest ni Hon. Rosame A. Milleza, Presiding Judge sa RTC Branch 5, Mati City, tungod sa kasong Murder ilawom sa Criminal Case No. 8574-21. Ang maong mando sa pagdakop walay girekomendar nga piyansa ug gilusad gamit ang PNP E-Warrant System

Giturn-over si Mabangkit sa Tarragona Municipal Police Station alang sa dokumentasyon ug sa sunod nga lakang nga pagpresentar sa korte. Gipasidunggan sa Davao Oriental Police Provincial Office ang ilang mga tinud-anay nga paningkamot sa pagpangdakop sa mga wanted person aron masiguro ang hustisya ug kalinaw sa probinsya.