SURIGAO CITY-Wala na kaipsot pa ang usa ka 45 anyos nga lalaki sa gipahigayong buy-bust operation sa mga personahe sa Municipal Drug Enforcement Unit (MDEU) sa Sison Municipal Police Station sa Purok 1, Barangay San Pedro, lungsod sa Sison, Surigao del Norte, pasado alas 12:00 sa kaadlawon, Hulyo 24, 2025.
Gikilala ang suspetsado nga si alyas “Vern” 45 anyos, lalaki, walay trabaho, ug lumulupyo sa nahisgutang lugar. Sa operasyon, nakumpiska gikan sa suspek ang mga mosunod: Usa (1) ka pakete sa gituohang shabu nga gibana-banang motimbang og 0.5 gramo isip buy bust item; Usa(1) ka pakete nga adunay susama nga sabstansya nga gituohang shabu nga gibana-banang mo timbang og 0.5 gramo nga gipanag-iyahan sa suspek; Marked money nga nagkantidad og P1,000.00; Cash nga P400.00, lakip ang mga drug ug nondrug paraphernalia.
Karon, ang suspek anaa na sa kustodiya sa Sison MPS ug mag-atubang sa kasong paglapas sa Article II, Seksyon 5 (pagbaligya), Seksyon 11 (pagpanag-iya), ug Seksyon 12 (paggamit og drug paraphernalia) sa Republic Act No. 9165 o Comprehensive Dangerous Drugs Act of 2002.
