KIDAPAWAN CITY- Dakpan ang usa ka mag-uuma sa hiniusang pwersa sa Kabacan Municipal Police Station ug Cotabato Police Provincial Office–Provincial Intelligence Unit, sa malampusong manhunt Charlie operation sa Poblacion, Kabacan, North Cotabato, bandang ala 1:30 sa hapon niadtong nakalabay nga adlaw.
Giila ang dinakpan nga si alyas Owaw, 31-anyos, ulitawo, mag-uuma ug residente sa Nangaan, Old Kabacan, Special Geographic Area, BARMM.
Gikasa ang operasyon sa otoridad base sa Warrant of Arrest sa kasong Rape nga gi-isyu ni Hon. Alandrex Betoya, Presiding Judge sa RTC Branch 16, Kabacan, Cotabato, penitsahan niadtong August 22, 2016 ug walay pyansang gi-rekomenda.
Nasayran, nga nakilista isip usa sa most wanted person ang dinakpan sa nahisgutang lugar.
Sa karon, anaa na sa Kabacan Municipal Police Station ang suspek ug atubangon niini sa korte ang kasong gipahamtang batok kaniya.
CTTO:Kabacan Municipal Police Station
