TAGUM CITY- Preparado na ang Davao City Tourism Operations Office kon CTOO ang Calendar of Events alang sa pagsaulog sa Kadayawan Festival nga opisyal nga sugdan karong Agosto 8, 2025 sa Kadayawan Tribal Village sa Magsaysay Park, Davao City.
Pipila sa official events sa Kadayawan Festival mao ang Kadayawan Trade Fair 2025 nga gitakda gikan Agosto 8 hangtud 31 sa susamang venue gikan alas-8 sa buntag hangtud alas onse sa gabie.
Samtang ang Hiyas sa Kadayawan Cultural Presentation ipahigayon karong Agosto 9 diin ang grand coronation night ipahigayon sa Agosto 14.
Aduna sab Pananam sa Kadayawan karong Agosto 9 hangtud 17 gikan alas otso sa buntag hangtud 9 sa gabie sa Kadayawan Tribal Village aron i-showcase ang delicacies sa 11 ka mga ethnolinguistic group sa giingong syudad.
Samtang ang ubang aktibidad sama sa: Bantawan Cultural Celebration karung Agosto 10 hangtud 12 sa Bantawan Amphitheater sa Magsaysay Park, gikan alas-4 sa hapon hangtud alas 8 sa gabie.
Agong ug Kulintangan: Agosto 15 sa Rizal Park gikan ala-1 sa hapon hangtud alas-6 gabie. Pamulak ug Indak-Indak sa Kadayawan Street Parade sa umaabot nga Agosto 17, 2025.
