TAGUM CITY- Gibutyag karon nga niabot na sa 40% ang konstruskyon sa kontrobersyal nga Samal Island -Davao City Connector Bridge. Kini ang nakita atol sa gipahigayong site inspection niadtong nakalabay nga adlaw pinaagi ni Senior Undersecretary Emil K. Sadain, diin nakita ang pag-uswag ngadto sa Department of Public Works and Highways (DPWH) Secretary Manuel M. Bonoan.
Gilangkuban ang maong tulay sa 4.76 kilometro nga upat ka lane, toll free extradosed bridge nga matud pa mopadali sa oras sa pagbyahe tali sa Davao City ug sa Samal Island gikan sa 55 minutos pinaagi sa lantsa ngadto na lamang sa 4.5 minutos, ug maka-akomodar sa mokabat 25,000 ka mga sakyanan sa matag adlaw.
Sumala pa kung makompleto na ang maong tulay mamahimong makapauswag kini sa paglihok, ug pagdasig sa turismo laikp na ang pagsuporta sa pagtubo sa ekonomiya sa Rehiyon sa Davao.
Kahinumduman nga ang maong proyekto nahimong sentro kalabot sa pagpanalipod sa kinaiyahan. Ang nasangpit nga proyekto labing gitutukan ug nakigtambayayong niini ang Department of Public Works and Highways (DPWH) ngadto sa Department of Environment and Natural Resources (DENR) nga diin naglantaw ug nagmonitor pinaagi sa mga divers aron makita ang mga seagrass bed, mga puy-anan sa dagat ug kalidad sa tubig nga angayang ampingan luyo sa maong gimontar nga proyekto.
