KIDAPAWAN CITY- Nagpahigayon og checkpoint operation ang mga personahe sa Pikit Municipal Police Station atubangan sa Shell Gas Station, National Highway, Poblacion, Pikit, Cotabato, bandang alas-10:50 sa gabii sa Hulyo 15, 2025. Ubos sa pagdumala ni PLTCOL TRISTAN VERGEL JAVIER SABLADA, Hepe sa Pikit MPS, nahunong ang usa ka lalaki nga nagmotorsiklo tungod sa pagkaguba sa headlight niini.
Samtang gi-verify ang mga dokumento sa iyang motorsiklo, usa sa mga pulis nag-flashlight sa itom nga sling bag nga iyang gibitbit. Narekober ang usa ka improvised glass tooter, nga sagad gigamit isip illegal drug paraphernalia ug adunay mga timailhan sa gidudahang illegal nga droga.
Ang lalaki gimanduan sa pagkanaog sa iyang motorsiklo ug boluntaryong gitunol ang sulod sa iyang sling bag, diin napalgan na usab ang improvised glass tooter.
Diha-diha dayon kini gidakop ug gipahibalo sa iyang mga katungod sa konstitusyon, gamit ang pinulongan nga hingpit niining nasabtan, lakip ang mga probisyon sa Republic Act No. 9745 o ang Anti-Torture Law.
Giisyuhan usab kini og citation ticket tungod sa paglapas sa balaod trapiko. Ang pagmarka ug pag-imbentaryo sa mga nasakmit nga ebidensiya gihimo sa presensya sa suspek, ug gisaksihan sa usa ka Barangay Officer ug usa ka Media Representative.
Human niini, gidala ang suspek sa Cadulong Medical Clinic and Hospital alang sa medical check-up una pa gibalhin sa Custodial Facility sa Pikit MPS.
Nakakustodiya na ang mga nakompiska nga ebidensiya sa Provincial Forensic Unit 12 alang sa tukmang eksaminasyon. Sa kasamtangan, giandam na karon ang kasong ipasaka sa korte batok sa suspek tungod sa paglapas sa Section 12 sa Republic Act No. 9165 Kon Comprehensive Dangerous Drugs Act of 2002.
ctto: PIKIT MPS
