TAGUM CITY- Nasikop sa mga otoridad ang usa ka lalaki nga wanted tungod sa slight physical injuries atol sa joint operation nga gipahigayon mga alas 12:30 sa udto niadtong nakalabay nga adlaw sa Purok Timog Avenue, Barangay Visayan Village, Tagum City Davao del Norte.
Gikasa sa mga personahe sa BE Dujali Municipal Police Station ug 2nd Davao del Norte Provincial Mobile Force Company pinaagi sa pagsilbi og warrant of arrest batok kang alyas “Mario” 40 anyos, ulitawo,construction worker, ug residente sa nahisgutang lugar.
Gihimo ang pagdakop pinaagi sa warrant nga giisyu ni Honorable Gay Gerle Masepequeña Peloton, Presiding Judge sa Municipal Trial Court in Cities, 11th Judicial Region, Tagum City, pinetsahan og September 13, 2024. Ang kaso gi-docket ubos sa Criminal Case Number alang sa Slight Physical Injuries, nga adunay piyansa nga girekomenda.
Sa pagkakaron naka kustodiya na sa B.E Dujali Municipal Police Custodial Facility ang dinakpan alang sa saktong disposasyon og dokumentasyon.
