Nadakpan ang usa ka 35-anyos nga lalaki nga gilista isip Top 8 Most Wanted Person City Level atol sa pag serve ug warrant of arrest sa Barangay Lala, Pagadian City, mga alas 10:15 sa buntag, Oktubre 19.
Gipahigayon ang hiniusang operasyon sa mga personnel sa 1st Zamboanga del Sur Provincial Mobile Force Company, Pagadian City Police Station, ug Zamboanga del Sur Maritime Police Station.
Ang warrant of arrest gi-isyu sa Regional Trial Court Branch 21 sa Pagadian City niadtong Oktubre 5, 2026, kalabot sa kasong homicide ubos sa Article 249 sa Revised Penal Code.
Gitugutan ang dinakpan nga makapyansa sa kantidad nga P120,000 bugti sa iyang temporaryong kagawasan. Sa pagkakaron, anaa na sa kustodiya sa Pagadian City Police Station ang nadakpang suspetsado alang sa tukmang legal nga proseso.
