Patay ang usa ka 18 anyos nga 2nd year college nga estudyante sa Palompon Institute of Technology ug residente sa Barangay Suba, Villaba, Leyte human mabangga sa laing motorsiklo ang iyang gimaneho nga motor didto sa Barangay Tinabilan, Palompon, Leyte, pasado alas 4:45 ang takna sa hapon niadtong Oktubre 19, 2026. Ang motor nga nakabangga gimaneho sa usa ka 29 anyos nga lalaki nga taga-Barangay Sabang, Palompon.
Base sa inisyal nga imbestigasyon, kusog ang dagan sa motorsiklo nga gimaneho sa 29-anyos nga lalaki nga gituohang anaa ubos sa impluwensiya sa ilimnong makahubog.
Gituohang nawad-an og kontrol ang 29-anyos nga drayber ug nakasulod sa pikas nga linya, hinungdan sa ilang pagkabangga. Tungod sa kakusog sa impact, nagkaangkon og mga samad sa kalawasan ang duha ka drayber. Dali nga gidala sa balay tambalanan ang duha ka drayber alang sa hinanaling atensyon medikal, apan walay swerte nga nakabsan sa kinabuhi ang estudyante. Samtang, ang laing drayber nagpabilin usab sa Hospital alang sa padayon nga pagpatambal.
Ang duha ka motorsiklo gidala usab sa Palompon MPS alang sa hustong disposisyon samtang nagpadayon ang imbestigasyon aron matino ang tinuod nga hinungdan sa aksidente.
