Giaprubahan na sa Committee-of-the-Whole, nga gipangulohan ni Vice Mayor Bebot Rodriguez, ang gisugyot nga ₱9.55-billion executive budget sa dakbayan sa Cagayan de Oro alang sa Fiscal Year 2027.
Pinaagi sa City Council Resolution No. 15852-2026, gigahin ang pondo sa upat ka pangunang sektor: • ₱4.277 billion sa kaluwasan, seguridad, ug kalamboan sa katawhan • ₱2.302 billion sa Institutional Development ug Participatory Governance • ₱1.901 billion alang sa Economic Recovery • ₱1.070 billion alang sa Regional Leadership.
Nalakip usab sa pondo ang ₱300 million alang sa PhilHealth payments aron masuportahan ang mga priority programs ubos sa RISE development agenda sa dakbayan.
Nakuha sa sugyot nga badyet ang suporta sa 15 ka opisyal, samtang tulo ang mibotar sa pagsupak nga mao ang mga mosunod: Councilors Yvy Emano, Imee Moreno, ug Aga Suan. Samtang absent usab si Councilor Girlie Balaba. Human sa pag-aprobar, ang pondo ipasaka na sa plenaryo alang sa pinal nga pag-uyon sa mosunod nga regular session sa Konseho.
Photo courtesy: Cagayan de Oro City Council
