Gimonitor sa Local Project Monitoring Committee sa Local Government Unit (LGU) sa Ipil ang pagtukod sa multipurpose building nga nahimutang sa Purok Santan, Barangay Tiayon, Ipil, Zamboanga Sibugay, nga adunay kantidad nga 999 mil 280 pesos ug 21 sentimos.
Kabahin kini sa padayong paningkamot sa munisipyo sa pagpalambo sa mga pasilidad sa matag komunidad aron adunay angay nga lugar alang sa nagkalainlaing kalihokan ug serbisyo nga gikinahanglan sa mga residente.
Pinaagi sa project monitoring, gisubay sa komite ang pag-uswag sa maong proyekto ug ang pagtuman sa mga gikinahanglang buluhaton sa pagtukod sa imprastraktura.
Gilauman nga ang maong multipurpose building mahimong mapuslanong pasilidad sa mga lumulupyo sa Barangay Tiayon, ilabina sa pagpahigayon sa mga kalihokan sa komunidad ug sa paghatag og mas maayong serbisyo ngadto sa katawhan.
