Gidala sa balay tambalanan ang usa ka batan-ong lalaki human nga kini nadunggaban sa iyang nakalalis nga kauban sa trabaho sa Purok 24, Barangay Fatima, General Santos City, niadtong nakalabay nga adlaw.
Ang biktima naila nga si alyas Jonex 20 anyos, trabahante sa usa ka pribadong kampanya, Samtang suspek naila nga si alyas Warlo 19 anyos Purok Placida, Barangay Calumpang.
Migula sa imbistiagsyon sa Fatima PNP nga nag-inom ug ilimnong makahubog ang suspek ug biktima dihang adunay natigayon panaglalis nga misangko ngadto sa pagpangdunggab gamit ang wala pa matinong kutsilyo diin nakaangkon ug samad sa lawas ang biktima rason nga gidala kini sa ospital.
Samtang boluntaryong misurender ang suspek sa buhatan sa kapulisan ug giangkon sumala pa ang nabuhat nga salaod.
Samtang nagpadayon karon ang imbistigasyon sa kapulisan aron masuta ang tinuod nga hinungdan sa ilang panagbangi nga miresulta sa maong insidente.
