Abli na alang sa tanang nanginahanglan, lakip na ang mga residente sa nagkalain-laing lungsod sa Cotabato Province, ang Philippine Cobra Anti-Venom nga anaa sa Kidapawan City Hospital.
Matod ni Kidapawan City Mayor Atty. Jose Paolo Evangelista, walay pili ang paghatag og serbisyong panglawas ug importante nga matambalan dayon ang mga napaakan sa bitin.
Gipahinumdoman usab sa mga nagdumala sa Kidapawan City Hospital ang publiko nga kon mapaakan og makamandag nga bitin, kinahanglan nga moduol dayon sa ospital aron masusi ug mahatagan sa tukmang tambal. Importante ang dali nga pagpatambal aron malikayan ang posibleng grabeng komplikasyon o kamatayan.
Photo courtesy: City Government of Kidapawan
