Balhog na karon sa selda sa Malungon MPS, ang usa lalaki nga gitudlong responsableng suspek sa pagpangdunggab natigayon ang pagkasikop taknang ala-una sa hapon diha sa Purok Bahada, Barangay Datal Batong, Malungon Saranagni Province.
Giila sa kapulisan ang dinakpan nga si alyas Colas 58-anyos, minyo ug mag-uuma nga residente sa Sitio Samlang, Barangay Blaan, sa nasampit nga lugar. Base sa impormasyon sa kapulisan nga nagpahigayon sila ug hot pursuit operation sa nahitabong pagpangdunggab sa ilang area of responsibility ug malampuson kining nadakpan pinaagi sa hinusang pwersa sa otoridad.
Nasakmit gikan sa posisyon niini ang gigamit nga hinagiban nga usa ka kutsilyo. Sa pagkakaron kasong homicide ang gisang-at sa kapulisan batok sa maong dinakpan.
