Gibisita sa kapulisan ang 19 ka kabalayan sa Region 12 isip kabahin sa kampanya nga Revitalized Katok aron mapalig-on ang responsableng pagpanag-iya og armas ug kaluwasan sa komunidad.
Base sa report sa Police Regional Office 12, gihimo ang maong mga pagbisita gikan alas 6 sa buntag niadtong Oktubre 11 hangtod alas 5:59 sa buntag niadtong Oktubre 12, 2026.
Sa kinatibuk-ang 19 ka house visitations, 12 niini ang gihimo sa Sarangani Police Provincial Office, lima sa Cotabato Police Provincial Office, samtang tag-usa sa Sultan Kudarat Police Provincial Office ug General Santos City Police Office.
Sa pag-verify sa kahimtang sa mga armas, tulo ang adunay bag-ong gi-renew nga rehistro, tulo ang giproseso pa ang pag-renew, unom ang gideposito alang sa safekeeping, duha ang ubos sa ubang napamatud-ang kahimtang, ug pito ang wala ma-inspeksyon.
Gipasiugda ni PRO 12 Regional Director PBGEN Alan B. Manibog ang kamahinungdanon sa pagsiguro nga kompleto ug balido ang mga dokumento sa armas ug husto ang pagtipig niini aron malikayan ang sayop nga paggamit.
Padayon usab nga giawhag sa kapulisan ang mga tag-iya sa armas nga motuman sa mga rekisito sa rehistrasyon ug lisensiya, ug makigtambayayong sa mga pulis atol sa pagbisita ug pag-verify sa ilang mga armas.
