Ginapanawagan ang kooperasyon sang publiko sa Region XII sa pagpanghanda kontra sa mas mabaskog nga epekto sang El Niño sa masunod nga mga bulan.
Ginapahanumdom ang mga pumuluyo sa SOCCSKSARGEN nga magtipig sang bastante nga suplay sang tubig, magtipid sa paggamit sang kuryente, kag maghibalo sang nagakaigo nga mga tikang agud mangin handa sa malawig nga tig-ilinit kag posible nga kakulang sang tubig.
Ginapanawagan man ang tagsa ka pamilya kag komunidad sa Region XII nga mangin handa kag magbinuligay agud maminusan ang posible nga epekto sang El Niño sa panglawas, pangabuhian, kag adlaw-adlaw nga kabuhi.
Photo courtesy: PIA Region XII
