Naghatag sang libre nga bulong kag konsultasyon ang programa nga Botika on Wheels sa pipila ka barangay sa banwa sang Isulan, Sultan Kudarat, agud mapahapos ang pag-access sang mga pumuluyo sa serbisyo nga panglawas.
Sa pagpanguna ni Mayor Bai Rihan Sakaluran, nakabenepisyo sa programa ang mga residente sang Barangay Kalawag Uno kag Dos, Bambad, Kolambog, Sampao, kag Kudanding.
Suno sa Lokal nga Panguluhan, katuyuan sang inisyatibo nga mas mapalapit ang importante nga bulong kag konsultasyon sa mga pamilya, ilabi na sa mga komunidad nga nagakinahanglan sang dugang nga suporta sa panglawas.
Nagpasalamat man ang Lokal nga Panguluhan sa Municipal Health Office, mga opisyal sang barangay, kag Barangay Health Workers sa ila kooperasyon kag padayon nga pagserbisyo sa mga pumuluyo sang Isulan.
Photo courtesy: Municipality of Isulan- Bagong Isulan
