Nasikop sa kapulisan ang usa ka wanted person atol sa pagpatuman sa warrant of arrest sa Purok Maunlad, Barangay Apopong, General Santos City niadtong nakalabay nga adlaw.
Nasikop ang suspek nga giila sa alyas nga “Cris,” residente sa Barangay San Isidro, Gensan, tungod sa kasong estafa ubos sa Article 315, Paragraph 1(b) sa Revised Penal Code.
Ang warrant of arrest gipagawas sa Municipal Circuit Trial Court, Twelfth Judicial Region, Kiamba-Maitum, Sarangani niadtong Oktubre 2, 2026, may kalambigitan sa Criminal Case No. 6100-M, ug adunay girekomendar nga piyansa nga 18 mil pesos.
Ang pagdakop gipahigayon sa Police Station 9, General Santos City Police Office, uban sa CIDG Sarangani PFU ug 1201st RMFB 12.
Human sa pagdakop, gipahibalo sa suspek ang iyang mga katungod ubos sa Konstitusyon ug gidala sa tukmang pasilidad alang sa dokumentasyon ug hustong disposisyon.
