Sikop sa mga sakop sa Maco Municipal Police Station ang tulo ka indibidwal atol sa operasyon batok sa iligal nga sugal sa Purok Durian, Barangay Pangi, Maco, Davao de Oro, niadtong Oktubre 8, 2026.
Nakuha sa mga kapulisan atol sa operasyon ang kwarta nga giingong gigamit sa sugal, usa ka set sa baraha, asul nga tuwalya ug plastik nga lamesa. Gimarkahan ug gidokumento ang mga nakumpiskang butang isip ebidensiya.
Nagpabilin sa kustodiya sa kapulisan ang tulo ka nadakpan samtang giandam ang kasong paglapas sa Presidential Decree No. 1602, nga naglatid sa silot batok sa iligal nga sugal.
Padayon ang Davao de Oro Police Provincial Office sa pagpatuman sa balaod batok sa iligal nga sugal isip kabahin sa ilang paningkamot nga mapadayon ang kalinaw, kahapsay ug kaluwasan sa publiko sa tibuok probinsya.
