Tinalakay ng mga opisyal ng seguridad at mga lider ng Cotabato City ang paghahanda para sa inaugural session ng Regular Bangsamoro Parliament na nakatakda sa Oktubre 30. Pinangunahan ni MILG Minister Jordan S. Bayam ang pagpupulong noong Oktubre 8 upang matiyak ang seguridad sa nasabing aktibidad.
Dumalo sa pulong sina 6th Infantry Division Acting Commander Brigadier General Ricky Bunayog, PRO BAR Chief Police Brigadier General Christopher M. Abacia, at CCPO Director Police Colonel Jibin M. Bongcayao. Kasama rin sina Cotabato City Mayor Mohammad Ali “Bruce” Matabalao na dumalo sa pamamagitan ng video conference, Vice Mayor Johair “Joe” Madag, at MP Atty. Naguib G. Sinarimbo.
Kabilang sa mga tinalakay ang seguridad sa lugar, paghahanda para sa aktibidad, at koordinasyon ng mga puwersang panseguridad at lokal na pamahalaan. Layunin nitong matiyak ang ligtas at maayos na pagdaraos ng inaugural session, kung kailan manunumpa sa tungkulin ang mga halal na miyembro ng Regular Bangsamoro Parliament at pipiliin ang bagong Chief Minister sa Oktubre 30.
