Miapil ang South Cotabato Police Provincial Office o SCPPO sa 3rd Quarterly Meeting sa Local Poverty Reduction Task Force nga gipahigayon sa Agua Frio Garden Resort, Koronadal City.
Girepresentar sa maong tigom ang SCPPO ni PMAJ JS T. Pedrosa, diin nahisgutan sa mga ahensya sa gobyerno ug uban pang stakeholders ang nagkalain-laing programa ug lakang alang sa pagpakunhod sa kapobrehon sa South Cotabato.
Nahimo usab kining higayona aron mapalig-on ang koordinasyon tali sa nagkalain-laing ahensya ug mailhon ang mga hiniusang lakang nga makatubag sa panginahanglan sa mga komunidad ug makapalambo sa ilang panginabuhian.
Gipasiugda sa SCPPO ang padayong pakigtambayayong sa mga partner agencies ug stakeholders aron makatampo sa pagtukod og mas luwas, lig-on ug mauswagong mga komunidad sa probinsya.
Photo courtesy: SCPPO
