Gipasabot sa opisyal sa Philippine Statistics Authority o PSA Davao de Oro ang mga nag-unang mandato ug serbisyo sa ahensya alang sa katawhan.
Matud ni Chief Statistical Specialist Abraham Enrico E. Gulay Jr., Atol sa pag-interview sa Juander News Team nga Lakip sa trabaho sa PSA ang paghimo ug pagpatungha sa official statistics pinaagi sa census, surveys, pagproseso sa administrative reports ug uban pang pamaagi sa pagkolekta ug pagtipon sa datos.
Gihatagan usab og serbisyo sa civil registration, lakip ang pag-imprenta ug pag-apod-apod sa mga dokumento sama sa birth, marriage ug death certificates, ingon man Certificate of No Marriage o CENOMAR ug Certificate of No Death o CENODEATH.
Kabahin usab sa mandato sa PSA ang pagpatuman ug pagdumala sa National ID system, ingon man ang pagpalambo ug pagkoordinar sa statistical standards nga gamiton sa nagkalain-laing ahensya sa gobyerno.
Samtang, gipasiugda usab ang Community-Based Monitoring System o CBMS isip importante nga basihan sa pag-ila sa mga kwalipikadong benepisyaryo sa mga programa sa social protection ug financial assistance, lakip ang 4Ps, AICS, TUPAD ug uban pang programa sa gobyerno.
