Molambo na ang panginabuhian sa mga mag-uuma sa ube sa lalawigan sa Bukidnon human gipirmahan ang usa ka Memorandum of Agreement (MOA) alang sa usa ka PhP35-million nga investment project ning bulan sa Oktubre 2026.
Ang maong kasabutan gitambayayongan sa Department of Agriculture – Regional Field Office 10 (DA-RFO 10), Verueco Ventures, Corp. (VVC), ug duha ka kapunongan sa mag-uuma: ang Lantapan Ube Planters Association (LUPA) ug ang Balugto Hope Agroforestry Association, Inc. sa Talakag.
Pinaagi sa maong lima ka tuig nga proyekto, gilauman nga makahimo ang mga mag-uuma og gibana-banang 1.5 ka milyon ka kilo nga ube matag tuig aron ipadala sa Batangas alang sa pagproseso sa ube powder nga i-export sa Estados Unidos, samtang makadawat usab sila og suporta sa binhi, abuno, makinarya, ug technical assistance gikan sa DA ug VVC.
Matud ni DA -10 Regional Executive Director Jose Apollo Y. Pacamalan, magpadayon ang ilang pag-monitor ug paghatag og interbensyon aron masiguro ang kalampusan ug malungtaron nga kasabotan.
Photo courtesy: DA RFO -10
