Arestado ang usa ka Chinese national sa operasyon sa CIDG sa Barangay Bulua, Cagayan de Oro City, tungod sa giingong pagbaligya og peke nga “Magic Sarap” food seasoning.
Kapin 160 ka kahon sa gituohang peke nga produkto, nga gibanabanang nagkantidad og ₱896,000, ang nakumpiska sa operasyon niadtong Oktubre 5, 2026. Giingong nakalapas kini sa Republic Act No. 8293 o Intellectual Property Code of the Philippines.
Matud sa CIDG, ang suspek usa ka negosyante ug nasakpan samtang namaligya sa maong produkto. Gipahinumdoman usab sa ahensya ang publiko nga mag-amping sa pagpalit og mga produkto ug i-report dayon ang mga kadudahang paninda.
Photo courtesy: CIDG
