Gin-ayo, gin-rehabilitate, kag ginpalapad ang 18-kilometro nga dalan sa Barangay Sabanal, Kalamansig, Sultan Kudarat matapos ini nga naguba bangod sa padayon nga pag-ulan kag landslides.
Duha ka semana nga na-isolate ang lugar bangod sa kalamidad, antes gilayon nga nagpadala sang team ang Provincial Engineer’s Office para sa road repair kag rehabilitation.
Sa pagkakaron, bukas na liwat sa mga motorista kag residente ang nasambit nga dalan, nga nagabalik sang access kag nagapadali sang pagbiyahe sa komunidad.
Ang proyekto ginpatuman sa suporta sang Provincial Government sang Sultan Kudarat para mabuligan ang mga komunidad nga naapektuhan sang kalamidad kag maibalik ang normal nga pagbiyahe sa nasambit nga lugar.
Photo courtesy: Gov. Datu Pax Ali S. Mangudadatu
