Ginpasidunggan ang apat ka Police Personnel sang Sultan Kudarat Police Provincial Office ukon SKPPO pinaagi sa paghatag sang Medalya ng Kagalingan sa ginpatigayon nga Monday Flag Raising Ceremony sa Camp Colonel Amando M. Dumlao Sr. sa Isulan, Sultan Kudarat, sang Oktubre 5, 2026.
Gintugyan ni PCOL Marvin A. Fontalva, Acting Provincial Director sang Sultan Kudarat Police Provincial Office, ang awards kay PMAJ Jessie J. Silva Jr., PCpl Jonathan E. Cabansag, Pat. Mark Anthony A. Bercades, kag Pat. Rasid G. Salik, bilang pagkilala sa ila maayo nga performance kag Meritorious Accomplishments.
Nagpasalamat si Fontalva sa ila maayo nga performance. Ginpahanumdom niya ang tanan nga personnel sa importansya sang integridad, dedikasyon, kag professionalism sa pagtuman sang ila mga katungdanan kag ipadayon ang pagmintinar sang physical fitness kag healthy lifestyle agud mangin handa sila sa pagtuman sang ila responsibilidad sa pagpatuman sang peace and order kag public safety sa Probinsiya sang Sultan Kudarat.
Photo courtesy: PNP Sultan Kudarat Police Provincial Office
