S.A.F.E. EASTERN VISAYAS DIAL 911, OPISYAL NANG GILUNSAD

Opisyal nang gilunsad ang S.A.F.E. Eastern Visayas Dial 911, usa ka inisyatibo nga nagtumong sa pagpalig-on sa paspas, sayon maabot ug epektibong paghatag og emerhensiyang serbisyo ngadto sa mga komunidad sa Eastern Visayas didto sa Palo, Leyte niadtong Octobre 06, 2026.

Gipahigayon ang opisyal nga launching sa Leyte Academic Center, Pawing, Palo, Leyte, diin gipasiugda ang kamahinungdanon sa usa ka episyente ug responsive nga emergency assistance system. Pinaagi sa Dial 911, gilauman nga mas mapadali ang pagresponde sa mga tawag nga may kalabotan sa emerhensiya, seguridad, aksidente ug uban pang sitwasyon nga nagkinahanglan og dihadiha nga tabang.

Atol sa maong kalihokan, mihatag og mensahe si PCOL Celerino M. Sacro, provincial director sa PNP LPPO mahitungod sa importansya og kamahinongdanon sa 911 emergency call, gani iyang gipasalig nga panahon sa pagtawag alang sa panginahanglan og tabang, anaa sila nga maduolan.

Ang maong programa usa ka lakang aron mas mapalig-on ang koordinasyon tali sa kapulisan, mga emergency responder ug ubang ahensya sa gobyerno, ilabina sa panahon nga gikinahanglan sa katawhan ang paspas ug kasaligan nga serbisyo sa emerhensiya.

Photo courtesy: PNP LPPO Live