Maayong balita alang sa mga mahiligon og kape human sa usa ka pagtuon nga nakit-an nga ang pag-inom og duha hangtod tulo ka tasa niini matag adlaw mahimong may kalabotan sa mas hinay nga pagtigulang sa kapasidad sa utok.
Base sa brain scan sa mga partisipante, nakit-an nga ang mga regular nga nag-inom og kape adunay gibanabanang 6.7 ka tuig nga mas bata kumpara sa mga dili tig-inom niini.
Gipasabot sa mga eksperto nga posible kining may kalabotan sa neuroprotective effects sa caffeine, nga makatabang sa pagpakunhod sa inflammation ug pagsuporta sa pipila ka aspeto sa memorya, pagpanabot ug konsentrasyon.
Apan gipahinumdoman gihapon ang mga mahiligon sa kape nga likayan ang sobra nga pag-inom niini tungod kay mahimo kining hinungdan sa kabalaka, tensyon ug kalisod sa pagkatulog.
Photo courtesy: Mashed
