Giila ug gipasidunggan ni Governor Rogelio Neil P. Roque kauban ang Provincial Government of Bukidnon ang bililhong kontribusyon ug kalampusan sa tulo ka pangunang opisina sa lalawigan atol sa Monday Convocation Program sa Kaamulan Open Theater, Malaybalay City niadtong nakalabay nga adlaw.
Kini human opisyal nga gipresentar sa Provincial Engineer’s Office (PEO), PGO-Real Estate Housing and Development Office (REHDD), ug PGO-Provincial Project Monitoring and Inspectorate Team (PPMIT) ang ilahang mga accomplishment report alang sa milabayng tuig.
Gipatin-aw ni Governor Roque nga ang mga proyekto sa PEO nagsilbing tulay sa pagpaduol sa batakang serbisyo sa komunidad, habang ang REHDD naghatag og pundasyon alang sa luwas ug malungtarong puy-anan sa mga pamilya. Aron masiguro nga walay mausik sa pondo sa lalawigan, gidala usab sa PPMIT ang bug-at nga responsibilidad sa pag-inspeksyon ug pagseguro nga husto ang pagpatuman sa mga proyekto
Samtang gipahinumdoman sa gobernador ang tanan nga ang kalambuan sa Bukidnon kinahanglang pagatambayayongan sa matag usa.
Photo courtesy: LGU – Bukidnon
