Nadakpan sa mga awtoridad ang usa ka High Value Individual nga giila nga si alyas “Abdul” atol sa hot pursuit operation sa Barangay Cogon, Digos City, alas-nuwebe sa buntag karong Oktubre 4,2026.
Gipahigayon sa RPDEU-11, CDEU ug Digos City Police Station ang operasyon human makadawat og impormasyon gikan sa mga residente bahin sa suspek nga giingong nakatakas sa buy-bust operation sa Sinawilan Highway niaging gabii.
Kasamtangang detinado ang suspek sa Digos City Police Station, kauban sa naunang nadakpan nga giila nga si alyas “Al-Hassem,” diin kapin duha ka milyon ka pesos nga gidudahang shabu ang nasakmit. Nagpadayon ang imbestigasyon sa mga awtoridad kalabot sa maong operasyon.
