Gikalipay sa mga magtutudlo sa Digos City National High School ang pagbaton og Learners Hub nga gituyo aron mahatagan og angay nga lugar ang mga estudyante sa pagtuon ug paghimo sa ilang mga buluhaton sa eskwelahan.
Matud ni Gina S. Saplagio, Teacher VI sa Digos City National High School, dugay na nila kining giplano aron mas mapalambo ang learning environment sa mga estudyante.
Dugang niya, bukas usab sila sa mga indibidwal o lider nga gustong kinasingkasing nga mosuporta o mo-sponsor sa Learners Hub, sama kang Governor Yvonne Cagas sa Davao del Sur. Matud niya, dako kini nga tabang ug kalipay alang sa tibuok komunidad sa eskwelahan.
Photo courtesy: Davao del Sur Provincial Information Office
