Nadakpan sa kapolisan ang usa ka indibidwal tungod sa paglapas sa Republic Act No. 10591 kun Comprehensive Firearms and Ammunition Regulation Act sa Tierra Dulce, Barangay Inayawan, Cebu City.
Nahimo ang pagdakop atol sa gihingusgan nga foot patrol sa Inayawan Police Station 7 isip lakang sa pagpugong sa kriminalidad ug pagpalig-on sa seguridad sa ilang area of responsibility.
Nasakmit gikan sa suspek ang usa ka .38 caliber revolver nga walay serial number ug duha ka buhing bala nga nakit-an sulod sa cylinder sa armas. Gidala ang nadakpan sa Inayawan Police Station 7, Cebu City Police Office, alang sa dokumentasyon ug booking procedures. Giandam na ang tukmang kaso nga ipasaka batok kaniya ngadto sa hustong korte.
Photo Courtesy: PNP Cebu City/Fb Page
