Gibutyag ni Cebu Governor Pamela Baricuatro nga BFF na sila ni Dumanjug Municipal Mayor Efren Guntrano “Gungun” Gica. Kini maoy miguwa sa mismong baba sa gobernadora atol sa pakigpulong niini dihang mitambong kini sa programa may kalabotan sa Piyesta ug Bisnok Festival sa lungsod sa Dumanjug.
Gani, matud sa gobernadora, mismong si Gica maoy nag-imbitar kaniya pagtambong sa kalihokan sa lungsod, diin niya gidayeg ang maayong binuhatan sa mayor pagpalambo sa lungsod. Gani mismong sa entablado gianunsyo ni Baricuatro nga iyaha nang giaprobahan ang tanang request sa mayor.
Nauna niini, gibutyag ni Gica nga wala na siya interest modagan pagka-gobernador sa 2028 inay nanawagan kini og suporta alang kang Baricuatro.
Photo Courtesy: Cebu Province
