Todo-panalipod si actor-politician Mark Lapid sa iyang amahang si Senador Lito Lapid, human kini balik-balik nga ma-batikos tungod sa giingong pagka-“non-performing” o dili aktibo isip senador. Sa pakighinabi ni Mark, miangkon kini nga sakit isip anak ang makabasa sa mga negatibong komento batok sa iyang amahan.
Pero para niya, bahin na kini sa trabaho sa usa ka public servant ug kinahanglan dawaton ang mga kritisismo. Giingon usab ni Mark nga nasakitan pud ang iyang amahan, pero dili kini pasabot nga walay gibuhat si Lito.
Para kang Mark, hilom lang ang iyang amahan ug mas pabor kini sa aksyon kaysa pagpa-bongga sa iyang mga nahimo. “Action man” matod pa si Lito—mas ganahan mohimo kaysa mag-istorya.
Samtang, padayon gihapon si Mark sa showbiz ug karon nag-shooting sa action-drama nga “Sigabo” kauban si Coco Martin.
Photo courtesy: Wikipedia
