Kung kita, kasagaran ang carrot kay kan-on… pero sa usa ka babaye sa China, pang-ukit na siya—ug ang iyang gamit, ngipon. Giila si Chen Qin, 25-anyos, gikan sa Enshi, Hubei Province, nga nakadani sa atensyon online tungod sa iyang talagsaong talento sa pag-ukit og carrot gamit lamang ang iyang mga ngipon.
Tawag sa uban kaniya, “human 3D printer,” kay makahimo siya og komplikadong mga sculpture sama sa Great Wall of China ug Yellow Crane Tower—nga wala gyuy carving knife.
Matud ni Chen, aksidente lang niya nadiskobrehan ang iyang talento. Samtang nag-snack siya og carrot, gisulayan niya kini og porma gamit ang ngipon ug tungod kay ganahan ang mga views gipadayon niya kini.
Pero dili pud barato ang maintenance sa iyang “carving tools.” Likay siya sa daghang tam-is ug softdrinks, sige og toothbrush, ug mopahuway kung kapoy na ang iyang ngipon.
Ug kung naa moy pangutana kung mausik ba ang carrot—dili. Ang nahibilin, gamiton niya sa pagluto, samtang ang scraps mahimong pagkaon sa baboy ug manok.
Photo courtesy: Oddity Central
