Pormal nang gitugyan sa Sta. Elena Elementary School ang mga bag-ong imprastraktura nga gipahimo pinaagi sa Pacific Partnership 2026 niadtong nakalabay nga adlaw.
Kabahin sa gipahimo ang pagpaayo sa sistema sa pagkolekta sa tubig-ulan ug dapit sa paghugas sa kamot, pagtaod og mga pultahan nga PVC sa kasilyas sa pito ka classrooms, ug pagpintura sa waiting shed ug mga handrail sa rampa alang sa mga tawo nga adunay kapansanan. Gipahimo ang maong mga proyekto pinaagi sa pagtinabangay sa U.S. Navy Seabees, Japan Self-Defense Force, ug Armed Forces of the Philippines.
Sumala sa mga personahe sa Sta. Elena Elementary School, ang mga pasilidad makatabang sa paghatag og mas limpyo ug mas luwas nga palibot alang sa mga estudyante ug mga kawani.
Nagpasalamat usab ang Sta. Elena Elementary School sa mga organisasyon, ahensya sa gobyerno ug lokal nga pangagamhanan nga nakigtinabangay aron mahuman ang maong mga buluhaton.
Photo Courtesy: Tacloban City Information Office
