Nasikop sa mga kapulisan ang usa ka lalaki nga gikonsiderang High Value Individual atol sa gikasang buy bust operation didto sa Purok Happy Valley, Crossing Carmelite Monastery, Barangay Matiao, Mati City, Davao Oriental pasado alas 6:45 sa gabii, niadtong Oktubre 1, 2026.
Ang suspetsado naila nga si alyas “Marvin”, 41 anyos, adunay kapuyo, usa ka trabahador, ug residente sa Purok Magsaysay 17-4, Barangay Central sa maong dakbayan.
Atol sa operasyon narekober gikan sa suspek ang duha ka pakete sa gidudahang shabu, usa ka P1,000 nga buy bust money, usa ka itom nga pouch, usa ka National ID ug usa ka yunit sa Kawasaki Bajaj nga motorsiklo nga adunay sidecar. Ang mga nakumpiskang illegal nga droga gibana banaang mutimbang sa 33.266 gramos ug adunay kinatibuk-ang kantidad nga PhP226,228.00.
Sa pagkakaron ang dinakpan mag atubang sa kasong paglapas sa RA 9165 kun Comprehensive Dangerous Drugs Act of 2002 ug gikustodiya na usab siya sa Mati City Police Station alang sa tukmang disposisyon.
Photo courtesy: Mati CPS
