Patay ang usa ka 22-anyos nga back rider, samtang grabe ang naangkon nga samad sa 18-anyos nga driver sa motorsiklo human maaksidente mga alas-3:40 sa hapon, Agosto 28, 2026 sa National Highway, Barangay Libertad, Aurora, Zamboanga del Sur.
Sumala sa inisyal nga imbestigasyon sa kapulisan, misulay og overtake ang Suzuki Raider sa usa ka Isuzu Elf truck nga nagmaniobra unta sa pagliko paingon sa tuo.
Apan tungod sa kadanlog sa kalsada gumikan sa kusog nga ulan, nawad-an og control ang driver hinungdan napasok sa ilalom sa truck ang motorsiklo nga gimaneho niini.
Gisulayan pa ug dala ang 18-anyos nga driver sa Aurora Infirmary alang sa pagtambal, samtang, ang iyang 22-anyos nga back rider nga nakasinati og grabeng samad sa ulo gideklarar nga patay diha pa lang sa lugar.
Human sa hitabo, ang duha ka sakyanan nga nalambigit sa panagbangga lakip ang truck driver gidala sa Aurora Municipal Police Station alang sa tukmang lakang.
Photo Courtesy:ZSPPO-PIO
