Napahigayon ang Cluster 3 Meeting sa mga coordinators sa Juander Radyo Loyalista Incorporated, Davao de Oro Chapter nga gipahigayon sa Sibyahanan alas-2:00 sa hapon, Agosto 29, 2026.
Ang Cluster 3 naglangkob sa mga coordinators gikan sa duha ka lungsod, Mawab ug Maco, Davao de Oro, diin gihisgutan ang mga plano, kalihokan ug mga buluhaton sa grupo alang sa mas lig-on nga panaghiusa ug koordinasyon.
Kabahin sa maong panagtapok ang pagpili sa mga opisyal sa Cluster 3. Sa maong pagpiliay, nahimong Cluster Leader si Helenita Lastra, samtang Vice Cluster Head si Primo Buagas.
Gilauman nga ang bag-ong mga opisyal maoy manguna sa pag-coordinate sa mga kalihokan sa cluster ug mahimong tulay sa mga coordinators sa Mawab ug Maco ngadto sa mga liderato sa Juander Radyo Loyalista Incorporated, Davao de Oro Chapter.
Pinaagi sa maayong koordinasyon ug panaghiusa sa matag coordinator, gilauman nga mas mapalig-on pa ang organisasyon ug mas mahimong aktibo ang matag miyembro sa umaabot nga mga kalihokan.
Nagpadayon usab ang panawagan alang sa kooperasyon, suporta ug aktibong partisipasyon sa tanang coordinators aron magkahiusa sa pagpalambo sa Juander Radyo Loyalista Incorporated, Davao de Oro Chapter.
