Nagkadako na ang papel sa Pilipinas isip tinubdan sa mga remote worker alang sa global economy, apan daghan gihapon nga Filipino remote workers ang walay access sa employment benefits ug financial security nga kasagarang madawat sa formal employment.
Base sa pagtuon sa Remotify nga gisuportahan sa Department of Information and Communications Technology (DICT) ug gisalmotan sa 1,642 ka Filipino remote workers, pito sa napulo ang walay employment benefits gawas sa ilang sweldo ug kapin sa katunga usab ang miingon nga dili regular ang ilang kita.
Samtang, 45 porsyento sa mga respondents ang miingon nga wala sila nag-file og buhis, ug hapit 40 porsyento ang naglisod sa pagpakita og pruweba sa ilang kita kung mag-apply og credit card, housing loan o government benefits.
Bisan pa niini, padayon nga gipili sa mga Pilipino ang remote work tungod sa flexibility ug savings sa oras ug gasto sa pagbiyahe. Sa survey, 88 porsyento ang mitudlo niini isip rason, samtang 85 porsyento ang miingon nga mas daghan silag oras uban sa pamilya ug 66 porsyento ang nakasinati og mas ubos nga stress.
Photo Courtesy: People Parnter Careers
